For grupper

For å bestille gruppeomvising ta kontakt med oss på førehand. Vi tek imot bestillingar minimum to dagar før ankomst. Kyrkja vert framleis brukt til messer, vigsel og gravferder, så det kan hende at kyrkja er stengd til visse tider. Vi vil gjerne hjelpe deg med å planleggje eit minneverdig besøk til Lom stavkyrkje for di gruppe.

Omvisarar vil gje ein presentasjon på 20-30 minutt og svare på spørsmål i etterkant. Vi har omvisarar som snakkar norsk og engelsk, og ved førehandsbestilling kan vi òg skaffe omvisarar som snakkar tysk. Vi har skriftleg informasjon tilgjengeleg på 15 ulike språk.

Lom stavkyrkje ligg midt i Sør-Noreg, like ved kommunesenteret Fossbergom. Området har eit stort utval av aktivitetar og opplevingar, inkludert Norsk Fjellsenter, bygdemuseet i Presthaugen og Fossheim Steinsenter. Ei omvising i Lom stavkyrkje er fint å kombinere med  ein kaffe- eller lunsjstopp i Lom sentrum der du finn butikkar, restaurantar og overnatting.